"Qarabağ"dan mövsümün rekordu [11.04.2016] “Qarabağ” ardıcıl 6-cı qələbəsini qazanıb. İdmannews.blogspot.com-un PFL-in rəsmi saytına istinadən verdiyi məlumata görə, “Kəpəz”i 4:0 hesabı ilə məğlub edən Qurban Qurbanovun komandası sonuncu dəfə 23-cü turun “İnter”lə oyununda xal itirib – 1:1. Bununla da Ağdam klubu mövsümün rekordunu yeniləyib. Bunadək rekord 19-23 turlarda 5 qələbə qazanan “Zirə”yə məxsus idi. 24-cü turda məhz “Zirə”nin qələbə seriyasını 2:0 hesablı qələbə ilə dayandıran “Qarabağ” ardınca “Sumqayıt” (2:0), “Qəbələ” (2:1), “Rəvan” (5:1), “Xəzər Lənkəran”ı (2:1) məğlub edib.

PSJ "Mançester Siti"yə, "Real" "Volfsburq"a qarşı (YENİLƏNİR)

[06.04.2016]

Bu gün Çempionlar Liqasında 1/4 finalın ilk oyunlarına yekun vurulacaq. İdmannews.blogspot.com-un məlumatına görə, növbəti oyun günündə daha iki qarşılaşma keçiriləcək. Artıq Fransa Liqasında çempionluğunu rəsmiləşdirən PSJ öz meydanında "Mançester Siti"ni qəbul edəcək. Digər oyunda isə Madrid "Real"ı Almaniyada "Volfsburq"un qonağı olacaq. 6 aprel Çempionlar Liqası, 1/4 finalın ilk oyunları  22:45. PSJ (Fransa) - "Mançester Siti" (İngiltərə) 22:45. "Volfsburq" (Almaniya) - "Real" (Madrid, İspaniya) 5 aprel  22:45. "Barselona" (İspaniya) - "Atletiko" (Madrid, İspaniya) - 2:1 Qollar: Fernando Torres, 25 (0:1), Luis Suares, 63 (1:1), 74 (2:1) Qırmızı vərəqə: Fernando Torres, 35 ("Atletiko") 22:45. "Bavariya" (Almaniya) - "Benfika" (Portuqaliya) - 1:0 Qol: Vidal, 2 (1:0)