"DÇ-2018": Millimiz 5-ci səbətdə [10.07.2015] İyulun 25-də Avropa zonası üzrə "DÇ-2018"in seçmə mərhələsinin püşkü atılacaq. Qol.Az-ın məlumatına görə, püşkdə iştirak edəcək 52 yığmanın yer alacağı səbətlər müəyyənləşib. Səbətlərin tərkibi FİFA-nın yeni reytinq siyahısını açıqlamasından sonra dəqiqləşib. Püşk zamanı Avropa yığmaları 6 səbətə bölünəcək. Bunların 5-də 9, son səbətdə isə 7 yığma yer alacaq. FİFA-nın reytinqində 108-ci olan Azərbaycan millisi 5-ci səbətdə qərarlaşacaq. Komandamızla eyni səbətdə Kipr, Latviya, Ermənistan, Finlandiya, Belarus, Makedoniya, Litva və Moldova yığmaları da yer alacaq. Bu isə o deməkdir ki, millimiz həmin komandalara rəqib ola bilməyəcək. 1-ci səbət: Almaniya, Belçika, Hollandiya, Portuqaliya, Rumıniya, İngiltərə, Uels, İspaniya, Xorvatiya 2-ci səbət: Slovakiya, Avstriya, İtaliya, İsveçrə, Çexiya, Fransa, İslandiya, Danimarka, Bosniya və Herseqovina 3-cü səbət: Ukrayna, Şotlandiya, Polşa, Macarıstan, İsveç, Albaniya, Şimali İrlandiya, Serbiya, Yunanıstan 4-cü səbət: Türkiyə, Sloveniya, İsrail, İrlandiya, Norveç, Bolqarıstan, Farer adaları, Monteneqro, Estoniya 5-ci səbət: Kipr, Latviya, Ermənistan, Finlandiya, Belarus, Makedoniya, AZƏRBAYCAN, Litva, Moldova 6-cı səbət: Qazaxıstan, Lüksemburq, Lixtenşteyn, Gürcüstan, Malta, San-Marino, Andorra