Samir Əliyev: "Neftçi" hər iki oyunda üstün oynadı"

[10.07.2015]

"Rəqib xüsusi oyun göstərmədi, nəticəyə oynadılar və qapandılar. Bizə gəlincə, meydanda gənclərimizi gördünüz. Təcrübəsizlikləri öz sözünü dedi, qol imkanlarından yararlana bilmədilər". Qol.Az-ın klubun rəsmi saytına istinadən verdiyi xəbərə görə, bu sözləri "Nefçti"nin baş məşqçisi Samir Əliyev Avropa Liqasının I təsnifat mərhələsinin cavab görüşündə "Mladost"la 1:1 bərabərə qaldıqları oyundan sonra keçirilən mətbuat konfransında deyib. Gənc mütəxəssis komandasının hər iki oyunda üstün futbol nümayiş etdirdiyini bildirib: "İki həftə hazırlıq keçmişik, bununla belə, gənclərimizə güvənmək olar, gələcəkdə böyük işlər görə bilərik. Futbolçulardan razıyıq, onlara təşəkkürümü bildirirəm. Komandamız hər iki görüşdə üstün oynadı”. Qeyd edək ki, "Mladost"la Bakıda 2:2, səfərdə isə 1:1 heç-heçə oynayan "Neftçi" Avropa Liqasında mübarizəni dayandırıb.