"Xəzər Lənkəran" qalib gəldi [11.07.2015] Türkiyənin Kapadokya bölgəsində təlim-məşq toplanışında olan “Xəzər Lənkəran” bu gün ilk yoxlama oyununa çıxıb. idmannews.blogspot.com-un məlumatına görə, komanda Türkiyə 3-cü liqa təmsilçisi “Niğdespor”la qarşılaşıb. Matş "Xəzər Lənkəran"ın minimal hesablı qələbəsi ilə başa çatıb - 1:0. Qeyd edək ki, Lənkəran təmsilçisi növbəti yoxlama görüşünü superliqa təmsilçisi “Kasımpaşa”ya qarşı keçirəcək. Oyuna iyulun 14-ü Bakı vaxtı ilə saat 19:30-da start veriləcək. Xatırladaq ki, "Xəzər Lənkəran" ilk yoxlama görüşündə Türkiyənin “Kayseri Ərciyəsspor” klubunun A2 komandası ilə qarşılaşmalı idi. Lakin Kayseri təmsilçisinin heyətində bir sıra futbolçunun zədələnməsi səbəbindən bu görüş baş tutmayıb. 11 iyul Yoxlama oyunu 19:30. "Xəzər Lənkəran" (Azərbaycan) - "Niğdespor" (Türkiyə) - 1:0 Qol: Rəşad Eyyubov, 34 (1:0)